Vilkår for Solkonto

Solkonto er ei spesialtilpassa teneste for deg som ynskjer å lagra din overskotsstraum i eit virtuelt «batteri». I korte trekk inneber tenesta at du kan lagra overskotsstraumen frå solcelleanlegget i vår Solkonto og ta ut tilsvarande kilowatt-timar seinare når du vil bruka den. Fråtrekket av kilowatt-timar vil redusera straumrekninga di.

1. Generelt

Vilkåra gjeld for Voss Energi Kraft sine private kundar innanfor Voss Herad sine kommunegrenser. Lokal nettleige og til eikvar tid gjeldande avgifter kjem i tillegg.

2. Prisar

Uttak av kilowatt-timar frå Solkonto gjeld kun straumdelen av kundeforholdet. Lokal nettleige og til eikvar tid gjeldande avgifter kjem i tillegg. Prisen for manuelt uttak vert basert på kunden sin straumavtale den aktuelle måned kunden ber om uttak frå Solkonto, minus mva. Om kunden vel å selja overskotsproduksjon fortløpande, gjeld gjennomsnitt månadleg spotpris frå Nord Pool i kunden sitt prisområde.

3. Lagring

Overskotsproduksjon av solkraft vert lagra i din Solkonto i kilowatt timar. Overskotsproduksjonen kan lagrast i inntil 18 månader. Etter 18 månader vil overskotsproduksjonen verta utbetalt til gjeldande månadsmiddelpris frå NordPool.

4. Avrekning og reglar ved uttak frå Solkonto

Du kan sjølv velja å ta ut ein valt mengde kilowatt-timer frå Solkonto. Uttak kan gjerast direkte av kunde på Mi side på vossenergi.no. Uttak vil koma til fråtrekk på fakturaen for den månaden du tingar uttak. Prisen for uttak vert basert på din straumpris den aktuelle måned du ber om uttak frå Solkonto. Du kan berre ta ut oppspart produksjon og ikkje produksjon inneverande måned. Uttak kan ikkje overskrida faktisk forbruk.

Dersom uttak frå Solkonto er større enn faktisk forbruk vil Solkonto verta trekt frå på seinare faktura.

5. Endring i vilkåra

Voss Energi Kraft forbeholder seg retten til å endra noverande vilkår. Desse endringane vil verta varsla med minimum 30 dagars varslingsfrist på Voss Energi Kraft sine nettsider, "Mi Side" eller direkte varsel til kunde dersom det er valt.

6. Avslutning av avtale eller kundeforhold

Dersom kunde ikkje ynskjer å spara straum på Solkonto, vil uteståande mengde kilowatt-timar som kunden har på konto bli gjort opp på neste faktura. Deretter vil kunden motta månadleg utbetaling av overskotsstraum. Viser til punkt 2 for gjeldande priser. Kunden kan sjølv velja mellom løpande utbetaling og sparing på Solkonto på Mi side på vossenergi.no.

Dersom kunden seier opp straumavtalen sin med Voss Energi Kraft vil uteståande mengde kilowatt-timar som kunden har på konto bli gjort opp på neste faktura.