HEIDRAFEST 2027
20.–21. november er det klart for to dagar med musikkglede, kjende låtar og god stemning på Voss! Heidrafest vert arrangert for femte gong, og årets festival vert den største så langt. Med heile 36 band og artistar på kveldsprogrammet er det duka for ei skikkeleg musikalsk festhelg!
Skrevet av: Marte Ramsøy
Heidrafest har på få år vakse til å verta Noregs største tributefestival. Lokale og regionale musikarar samlar seg for å heidra kjende artistar og band, og publikum får oppleva alt frå Elvis og Bee Gees til Queen, Pink Floyd og Ozzy Osbourne.
– Det er vanskeleg å trekkja fram eitt spesielt band, for det er først og fremst den store variasjonen av artistar som vert heidra, fortel styreleiar André Bjørkhaug.
Fire scenar og musikk for alle
Årets festival går av stabelen på Park Hotel Vossevangen, med fire hovudscenar inkludert ei mindre scene for dei som ynskjer ei rolegare musikkoppleving.
På Vetlescena vert det rom for både unge, lovande artistar med eigne låtar og erfarne musikarar som byr på meir akustiske innslag.
Laurdag 21. november kl. 13.00 vert det òg arrangert Heidrafest UNG, der seks ungdomsband og artistar får visa seg fram. Arrangementet er gratis, og det vert i tillegg musikkmesse med både nytt og brukt musikkutstyr.
Ekte musikkglede og lokal dugnadsånd
Det som gjer Heidrafest heilt spesielt, er den sterke lokale forankringa. Festivalen vert driven av frivillige eldsjeler, og musikarane stiller opp utan honorar – rett og slett fordi dei elskar musikken.
Heidrafest handlar difor om meir enn berre konsertar. Det handlar om fellesskap, speleglede og det å skapa ein møteplass der både musikarar og publikum kan dela gode opplevingar.
Voss Energi er stolt sponsor av Heidrafest. Me ynskjer å støtta lokale initiativ som skapar aktivitet, engasjement og gode møteplassar i bygda vår.
Og er du framleis usikker på om du skal ta turen, har styreleiaren ei klar oppmoding:
– Kom på Heidrafest! Her treffer du garantert kjentsfolk, og du har alle moglegheiter for å høyra musikk du kjenner att og likar.
Me gler oss til ei fantastisk festivalhelg!
Les meir om festivalen, sjå programmet og finn billettar på heidrafest.no.