RAUS 2025
Arrangementet for inkludering og fellesskap.
Voss Energi er stolte sponsorar av RAUS – ein trygg og triveleg møteplass der vaksne kan møtast, knyta nye band og dela gode opplevingar. Arrangementet handlar om inkludering, samhald og mindre einsemd – og gjev deg sjansen til å bli kjend med folk du elles aldri ville møtt.
Ein heil dag med opplevingar og gode møter
På dagtid kan du vera med på varierte aktivitetar som passar for alle – frå rebusløp med Kari Traa, til gondolmysteriet, vindtunnel, e-sykling og ein «bonderomantisk sykkeltur».
Nokre aktivitetar er gratis, andre har ein liten deltakaravgift utanom billettprisen. Målet er enkelt: å dela opplevingar, skapa nye venskap og senka terskelen for å koma i kontakt med andre.
Voss Energi + RAUS
Som lokal aktør er me opptekne av meir enn berre straum og produksjon. Me vil vera med å skapa eit Voss der folk møtest, deler og lagar minner saman.
Festkveld med humor, musikk og dans
Når kvelden kjem, vert stemninga skrudd opp:
– Øystein og Christina Ygre Skorve leiar showet
– Stand-up med Else Kåss Furuseth
– Musikk, DJ, dans og fest
– Konkurransar, «hemmeleg ven» og overraskingar
SJÅ HEILE PROGRAMMET HER
Om du kjem åleine, med kjærasten eller med venegjengen – dette er kvelden der alle er velkomne, og alle høyrer til.
Dato: 13. september 2025
Stad: Voss
Billettar: Kjøp billett her!
Følg oppdateringar frå arrangementet på Facebook her!
Instagram: @RAUSNorge
Velkomen til haustens mest inkluderande og energiske møteplass – og kanskje til nye vener både på og utanfor nettet!